كرو عاوني بلفلاح
“كَرُو” عاوِنِّي بِالفلاحْ
و تزداح افطنْ هَحْ و هاحْ
مَزْيَنْ “كَرُو” وانَ زدّاحْ
“كَرُو” درج الزداحينْ
زِرَّاتُ زَيْنَ والبِطاحْ
زَيْنَ ونَخْلاتُ زَيْنِينْ
ومقيم امْسِيدْ وْ كُلّْ اصباحْ
يَمْسَ بِنَّاسْ التَّقِيِّينْ
أَهْلْ العلمْ الِّ بِتِصْحاحْ
ماه ابلقوال اضعفين
واهل الرجل ساعت الكباح
المدافع تبح بفليشن
ذاك الوقتْ الشَّر إِلَ باحْ
ايعودْ اهلو فيه اقوينْ
اجواكين وشجعان اصْحاحْ
وُ بْ لِمْرُوَّ شاع والدينْ
سَنَّادينْ ضْعِيفْ الْ طاحْ
والفَقَّارَ والمساكينْ
و هُومَ بَلّْ الحقّْ اصَّحْصاحْ
“كرو” كاع اهلو معرفين
ومارته يخالق الارواح
اعطاه ال طاه المتين
اهل اباه جاوه وفلاح
“كرو” بضعفين وشي الزين
وكان افطن الزين الا لرباح
بزين انزادت بلمثلين
هاذ ءان كلتو بتصراح
فجماع قالولي وحدين
هذا زين ال قلت اوصاح
يحمادي ولد الدمين
غير ءان مانبقي يكون
شكر اهل اباه وجواكين
والواد ال زين اومحسون
ومثل ماه بين البحرين
