الشعر
الل شوف يشرح لرواح
اللِّ شَوْفُ يَشْرَحْ لَرواحْ
واللِّ اعْلِيهْ ادْليلِ مايلْ
كِلِّيْر إلَيْنْ ايْعُودْ امْراحْ
كِلِّيْرْ الفَوْكانِ سَايْلْ
و امْكَظّْ الباروك و اجْبار
الكِدْيَ والبَطْحَ و اشْفارْ
النَّبْيَ بَلْ امْنَيْنْ اصْفارْ
لِمْكَظّْ و قَلُّوا لِمْسايِلْ
و يْلِينْ اتْخَرَّصْ كِلَّ اجْفار
مِنْ ظَهْرُ بِالْما يِسَّايِلْ
و اتْخَرَّصْ لِمْسِيلَ لِخْظار
مِزَّارِكْ و بَمْبُ نايلْ
يَوْقِي والكَوْبَ و احسَيَّاتْ
لمليسْ و كيل التَّماتْ
داخل فيهم سيل اكويرات
لعكيل متمقن صايل
بِيَّ نَعرَفْ ذُ لِبْلَيْداتْ
لِخريفْ وْ وَقْرَتْ لِكْوايِلْ
فِ الصيفْ وْ فَوَّتْنَ شَتْواتْ
انْكَيَّلْ فِ سْدِرْهُمْ عايِلْ
ما يَنْساهُمْ حَدّْ يْ لَ ماتْ
حَدَّ انْساهُمْ عَقْلُ زايِلْ
غَيْر الدّْنْيَ باطل كفات
و مْعَ ذاك العند كايلْ
